陳茵媺 Aimee

【太陽報專訊】陳豪與陳茵媺（Aimee）一如本報報道，於本月17日在加拿大補擺婚宴，廣邀親朋戚友出席，陳豪今午起程，他出發前把握機會搵銀，昨午到荃新天地出席活動。

盡量陪產

幸福滿瀉的他全程冧笑，並坦言有準備記者越洋追訪：「請咗咁多親友，都預咗啦！不過私人事想低調啲。（老婆着婚紗？有斟茶儀式？）唔知、唔方便講，會以擺酒為主，總之有啲儀式都會做番。（公司派隊Crew過去拍低過程？）唔好啩。」

雖然到太太「娘家」擺婚宴，但陳豪表示不會久留。問到Aimee於何地生B，他說：「真係未決定，等佢遲啲返嚟先啦！仲有時間。（BB性別？）未知。（諗名改？）有好多嘢要諗就真。（陪入產房？）會盡量。（下半年減少工作？）我想兩方面平衡到。」問到Aimee狀況，他表示各方面也很好，問到Aimee是否懷雙胞胎時，他搞笑地說：「等朕Check Check先。」他又坦承對「父親」的角色充滿好奇心，笑言希望日後湊B時不會手騰腳震，又指他很有耐性與小朋友相處。