鍾嘉欣 BB

【珍貴事業線】鍾嘉欣BB再谷胸 Bosco大讚：佢有本錢！








黃宗澤(Bosco)今日又出動…前晚煞科，噚日護膚品活動，加埋今日去剪綵，真係紅到不得了。今日同場仲有……激罕露事業線嘅鍾嘉欣BB!

好耐之前嘉欣BB自拍高炒事業線，睇到網民嘩嘩聲，今次成個真人企喺度，更加珍貴……。今日嘉欣BB係同Bosco去石硤尾為一間酒家擔任剪綵嘉賓，嘉欣穿上紅色低胸裙，大騷事業線，Bosco眼望望，然後話:「正常啦，OK，佢有本錢，睇佢肯唔肯豁出去啫。」嘉欣透露即將舉行的演唱會都會騷腿露腰，但唔會刻意賣弄性感。

大家仲記唔記得嘉欣BB同Bosco曾經喺劇集《護花危情》中飾演一對，該劇更成為去年收視之冠，嘉欣自言鍾意以情侶檔姿態現身，仲笑Bosco緋聞多:「你好多情侶，我排第幾？我係指緋聞呀！」Bosco一臉尷尬謂:「冇喎，我哋好似冇傳過喎。」嘉欣即笑道:「係螢幕情侶，我諗我都係大婆，越多觀眾鍾意越好。